د دوحې ناسته کې په خصوصی سکټور او مالی مسایلو باندې خبرې کیږی

کابل-ګهیځ نیوز(د سرطان ۲مه نېټه)

د ګهیځ نیوز د خبر له مخې د بهرنیو چارو وزارت چارواکو ویلی، چې د دوحې درېیمه ناسته کې به په خصوصی سکټور، بانکی او مالی مسایلو او له نشه یی توکو سره په مبارزې خبرې – اترې وشی.

د بهرنیو چارو وزارت د درېیم سیاسی ریاست مشر ذاکر جلالی پر خپلې ټویټر پاڼې لیکلی، د دوحې تېرو ناستو په خلاف درېیمه ناسته کې د افغانستان پلاوی ګډون ته شرایط برابر شوی دی.

جلالی زیاته کړې، د دوحې درېیمې ناستې اجنډا ښیی، چې دې ناسته کې به په خصوصی سکټور، مالی او بانکی مسایلو، له نشه یی توکو سره په مبارزې او بدیل باندې یې خبرې – اترې وشی.

که څه هم ذاکر جلالی د دوحې درېیمې ناستې په اړه څه ناڅه جزیات ورکړی، خو دا یې نه دې ویلی، چې سرپرست حکومت به دغې ناسته کې په کومه کچه ګډون وکړی.

د دوحې درېیمه ناسته به د روانې جون میاشتې په ۳۰مه نېټه پیل او د جولای میاشتې تر لومړۍ نېټې به دوام وکړی.

ــــــــــــــــــ

ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځنی، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوی.

ګهیځ نیوز، د اطلاع رسونې باوری سرچینه

زموږ خبری ادرسونه👇

Telegram:

https://t.me/+Vy9GsPl90MY3NjVl

twitter:

https://twitter.com/GaheezAgency

Web:

https://www.gaheez.af/

FB page:

https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/