گهیځ
کابل-ګهیځ نیوز(د کب/ حوت ۱۸ مه نېټه)
د ګهیځ نیوز د خبر له مخې د سوریې دولتي آژانس سانا راپور ورکړی، چې د سوریې په لاذقیه او طرطوس ښارونو کې د امنیتي ځواکونو او د بشارالاسد رژیم د پلویانو ترمنځ شدیدې نښتې روانې دي.
راپور وایي، امنیتي ځواکونو د طرطوس په ښار کې د مخالفینو کمینونه مات کړي، ګڼ شمېر وسلې یې ضبط کړې او پر مهمو امنیتي نقطو یې کنټرول ټینګ کړی دی.
دغه راز راپور زیاتوي، چې په لاذقیه کې د جبله او القرداحة سیمو د پاکولو عملیات دوام لري.
د راپور پر بنسټ اضافي نظامي ځواکونه هم سیمې ته رسېدلي او د احمد شرع په مشرۍ د نوي حکومت امنیتي ځواکونه د اسد کورنۍ د اعتبار وړ شخص او د اسد رژيم د هوایي ځواک پخواني چارواکي جنرال ابراهیم حویجه په نیولو بریالي شوي دي.
سیمه ییزو سرچینو ویلي، نښتو کې دواړو خواوو ته تلفات اوښتي، خو دقیق شمېر یې لا تر اوسه نه دی څرګند شوی.
بل لور د سوریې د بشري حقونو د څار سازمان ویلي، جبالیه کې د سوریې امنیتي او بشار الاسد رژیم پاتې شونو ترمنځ سخته جګړه کې د پاڅون کوونکو ۷۰ تن وژل شوي دي.
دې بنسټ ویلي، دغو نښتو کې د اسد رژیم لسګونه تنه نور ټپیان او ګڼ یې ژوندي نیول شوي دي.
د طرطوس سیمه ییز چارواکو اعلان کړی، چې د امنیت د ټینګښت لپاره به ګرځبندیز په سیمه ییز وخت د نن شنبې ورځې تر سهار ۱۰ بجو پورې دوام وکړي.
د سوریې حکومت ویلي، امنیتي ځواکونه به د دغو بغاوت کوونکو تر بشپړ ځپلو پورې خپلو عملیاتو ته دوام ورکړي.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/