گهیځ
کابل-ګهیځ نیوز(د جوزا ۸مه نېټه):
د ګهیځ نیوز د خبر له مخې نړیوالو عربي رسنیو راپور ورکړی، چې د فلسطین ولسمشرۍ دفتر د دوشنبې پر سهار د رفح د کډوالو پر کمپ اسراییلي بریدونه وحشیانه بللي او پر نړیوالې ټولنې یې غږ کړی، چې فلسطیني سیمو کې د اسراییلو دغه یرغل د مخنیوي لپاره دې مداخله وکړي.
د غزې روغتیایي چارواکو د یکشنبې په ورځ یوه خبري ناسته کې ویلي، چې د غزې په تړانګه کې د اسراییلو د روانو بریدونو له امله د فلسطینیانو د مړینې شمېره لا هم مخ په لوړه روانه ده.
د خبر له مخې د اسرابیلي اشغالګرو په وروستي برید کې ۸۱ فلسطینیان شهیدان او ۲۲۳ نور ټپیان شوي دي.
د ۲۰۲۳ کال له اکتوبر میاشتې راهیسې تر اوسه د اسراییلي اشغالګرو په بریدونو کې د نږدې ۸۱ زره کسانو د ټپي کېدو پخلی شوی دی.
غزه کې د رسنیو دفتر خبر ورکړی، چې اسراییلي ځواکونو په تېرو ۲۴ ساعتونو کې د غزې تړانګې په جبالیه ښار، نصیرات، د غزې د ښار او شمال لویدیځ رفح په ګډون په مختلفو سیمو کې د ملګرو ملتونو تر لسو زیات پناه ځایونه د هوايي بریدونو لاندې راوستي دي.
د غزې د تړانګې په شمال لوېدیځ رفح ښار کې، چېرې چې په زرګونه بې ځایه شوي فلسطینیان د پناه اخیستو لپاره مېشت شوي، د اسراییلي اشغالګرو تر بریدونو لاندې دي.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/