د ننګرهار کانال په قراردادي ځمکې د دوه پروژو چارې پیل شوې

کابل-ګهیځ نیوز(د وری/ حمل ۵ مه نېټه)

د ګهیځ نیوز د خبر له مخې د ننګرهار کانال شرکت مسوولین وایي، یو خصوصي شرکت د کانال په ۱۱۰ جریبه ځمکې د ۴۵ میلیونه افغانیو په ارزښت د کرنې، باغدارۍ، مالدارۍ او سپورټي فعالیتونو لپاره نوې پراختیايي پروژې پیل کړې.

یادې پروژې د کانال هډې فارم ۲۷ او ۲۸ بلاکونو کې عملي کیږي، چې له مخې به یې ۷۵ جریبه ځمکه زراعتي برخه کې د مالټو، انګورو، ناکو، اینځرو او نورو مېوه‌ لرونکو بوټو باغونو لپاره ځانګړې شي.

دغه راز ۳۵ جریبه نوره ځمکه به د ۲۰ میلیونه افغانیو په لګښت سره سپورټي میدانونو او پارکونو جوړلو لپاره چمتؤ شي.

د کانال د سوداګرۍ چارو رییس انجینر ندي الله نیازي د بنسټ ډبرې د اېښودو پر مهال خبریالانو ته وویل، چې دا قرارداد له ۱۵ کلونو راهیسې موجود و، خو تېره اداره یې په عملي کولو پاتې راغلې وه.

د نوموړي په وینا، دا ځمکه تر دې دمه شاړه او بې‌ استفادې وه، خو اوس د کانال شرکت د نورو ملکیتونو په څېر د هغې رغونه هم پيل کړه.

په ورته مهال د یاد خصوصي کرنیز شرکت مسوول عبدالظاهر ویلي، د خپل هېواد د پرمختګ لپاره پانګونه کوي، څو د افغانستان په آبادۍ کې ونډه واخلي.

د ننګرهار کانال شرکت مسوولین وایي، هڅه کوي چې د کانال ټولې غیر فعاله ځمکې د کرنې، باغدارۍ او نورو تولیدي برخو لپاره وکاروي.
ــــــــــــــــــ

ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.

ګهیځ نیوز، د اطلاع رسونې باوري سرچینه

زموږ خبري ادرسونه👇

Telegram:

https://t.me/+Vy9GsPl90MY3NjVl

twitter:

https://twitter.com/GaheezAgency

Web:

https://www.gaheez.af/

FB page:

https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/