گهیځ
کابل-ګهیځ نیوز(د سلواغې / دلو ۲۸ مه نېټه)
د ګهیځ نیوز د خبر له مخې د احصایې او معلوماتو ملی ادارې ویلی، چې د روان کال مرغومی میاشتې په جریان کې د هېواد صادرات د لېندۍ میاشتې په پرتله ۲۸ میلیونه ډالره کم شوی.
د دې ادارې د شمېرو له مخې، افغانستان مرغومی میاشت کې ۱۶۲.۲ میلیونه ډالرو پر ارزښت توکی صادر کړی، په داسې حال کې چې د همدې مودې په ترڅ کې هېواد ته د یو میلیارد ډالرو څخه زیات توکی را وارد شوی دی.
احصایې او معلوماتو ملی ادارې زیاته کړې، چې د افغانستان ډېری صادرات هند، پاکستان او متحده عربی اماراتو ته شوی. دغه راز ډېری واردات بیا له ایران، پاکستان او چین څخه شوی دی.
د روانو چارو د څارونکو په باور د صادراتو کمښت د اقتصادی عواملو ترڅنګ د نړیوالو بازارونو له شرایطو سره هم تړاو لری، خو د سوداګرۍ متوازن کول کولی شی د اقتصادی ثبات لپاره ګټور ثابت شی.
ـــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځنی، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوی.
ګهیځ نیوز، د اطلاع رسونې باوری سرچینه
زموږ خبری ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/