گهیځ
ګهیځ: نن دوشنبه (د مرغومی ۶مه) د افغانستان د ملکی او هوایی چلند اداره خبر ورکوی چې دوی هغه درې رادارونه تر لاسه کړی چې په تېرې جولای میاشت کې افغانستان ته راوړل شوی وو.
د ملکی او هوایی چلند ادارې پرون ناوخته پر خپله فېسبوک پاڼه لیکلی چې له فرانسې هېواد څخه راوړل شوی رادارونه دوی ته تسلیم شول.
ادارې دغه راز ویلی چې، له ډلې یې یو رادار د کابل په نړیوال هوایی ډګر کې د ځای پر ځای کولو لپاره چمتو شوی دی.
د سرچینې د معلوماتو له مخې، د دغو رادارونو د لګولو قرارداد د «تالس» په نوم له فرانسوی شرکت سره د ۱۱۲میلیون یورو په ارښت لاسلیک شوی دی.
یاد رادارونه به په کابل، بلخ او هرات هوایی ډګرونو کې نصب شی.
د یادولو وړ ده چې د ۲۰۲۳ میلادی کال تر پای ته رسېدو مخکې به د رادار ۱۲ سایټونه، چې د هوایی حریم د کنټرول سیستم هم ولری، د افغانستان په ۱۲ برخو کې ولګول شی.
