گهیځ
کابل-ګهیځ نیوز(د وری/ حمل ۶ مه نېټه)
د ګهیځ نیوز د خبر له مخې رویټرز خبري آژانس ته پنځو اروپايي مسافر وړونکو بنسټونو ویلي، چې ګڼو ډنمارکيانو، جرمنيانو او نورو اروپايانو د امریکا ولسمشر ډونالډ ټرمپ وروستیو اقداماتو له امله امریکا ته سفرونه لغوه کړي.
آژانس ته تلونکي یوه ډنمارکي چې تازه یې هلته د ماهي نیونې په موخه د سفر نیت درلود ویلي، ټرمپ یو بې ادبه کس دی او له هغه وخته چې ټرمپ د اوکرایین ولسمشر سره لفظي شخړه کړې، نو پرېکړه یې کړې چې تر هغې به بیا امریکا ته ولاړ نه شي، څو چې ټرمپ هلته ولسمشر وي.
آژانس د یوه سیلاني له قوله زیاتوي، ترمپ په خپلو کړنو کې د ماشومانو په څېر دی.
عربي رسنیو د اروپايي ټولنې د شمېر له مخې ویلي، چې یوازې اروپایي سېلانيانو په ۲۰۲۳ کال کې شاوخوا ۱۵۵ میلیارده ډالره په امریکا کې مصرف کړي، خو دا مهال د تېرو کلونو په پرتله په کې کموالی راغلی دی.
امریکا ته د سېلانیانو شمېر کې کموالی وروسته له هغې څرګند شو، چې امریکا د خپلو اقتصادي ګټو او نورو موخو لپاره خپلې پالیسۍ د دوی په وړاندې بدلې کړې.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/