گهیځ
ګهیځ نیوز: نن دوشنبه (د غبرګولی یا جوزا ۹مه او د مۍ میاشتې ۳۰مه نېټه ده) د افغانستان ا.ا د ټولګټو چارو وزارت د کابل-هرات لویه لار د بیا رغولو لپاره داوطلبۍ ته وړاندې کړې ده.
د یاد وزارت د معلوماتو له مخې، دغه لویه لار ۹۰۰ کیلو مټره اوږدوالی لری چې د تېرو شل کلنو جګړو او درنو بار وړونکو موټرونو د تګ راتګ له امله، کنډې کپرې شوې ده.
د ټولګټو وزارت په خبره، دغه پروژه پر هر ۱۰۰ کیلو مټرۍ وېشل شوې او پر شرایطو برابر له ټولو کورنیو شرکتونو او ملی پانګوالو غوښتنه شوې، چې خپل غوښتنلیکونه د جوزا تر ۲۵ نېټې دغه وزارت ته وسپاری.
هر هغه شرکت چې ګټونکی اعلانېږی د یادې لارې بیا رغونه به کوی او حکومت به له ملی عوایدو څخه ورته بودیجه برابروی او پر خپل وخت به یې رغوونکو شرکتونو ته ورکوی.
