گهیځ
کابل-ګهیځ نیوز( د قوس/ لیندۍ۲۵ نېټه):
د پاکستاني رسنیو د خبر له مخې د دغه هېواد د لنډ مهالي حکومت د کورنیو چارو سرپرست وزیر له خپلې دندې استعفا کړې ده.
د جیو ټلوېزیون د راپور له مخې د پاکستان د کورنیو چارو سرپرست وزیر خپله استعفاء تېره ورځ د دغه هېواد سرپرست لومړي وزیر انورالحق کاکړ منلې ده.
سرفراز بګټي د افغان کډوالو د وېستلو پلوی او د دې پلان یو طراح و.
هغه له تېر اکتوبر راهیسې له ۴ لکو د ډېرو افغانانو په وېستلو کې مهم رول درلود.
جیو د خپلو سرچينو په حواله لیکلي، چې بګټي د ډسمبر په ١٣مه خپله استعفاء لومړي وزیر کاکړ ته وړاندې کړې وه، خو هغه پرون منلې ده.
راپور کې راغلي چې سرفراز بګټي د شخصي دلايلو له امله استعفاء کړې ده، خو اکسپرس نیوز رسنۍ بیا ویلي چې بګټي په ټاکنو کې د ګډون په موخه استعفاء کړې او د مسلم لیګ ګوند له ادرسه به ټاکنو کې برخه اخلي.
بل خوا ځینې پاکستاني رسنۍ لیکي، چې د پاکستان د ټاکنو کمېسیون لخوا د ټاکنو د مهالوېش له اعلان سره سم د کابینې یو شمېر سرپرستو وزيرانو له خپلو دندو استعفاوې کړې، څو په ټاکنو کې ګډون وکړي.
ــــــــــــــــــــ
ګهیځ نیوز تاسې ته د هېواد لۀ کونج – کونج او د نړۍ لۀ بېلابېلو برخو ورځني، مهم او تازه خبرونه، راپورونه، مرکې او تبصرې د دقت پۀ پام کې نیولو سره پۀ چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/