گهیځ
کابل-ګهیځ نیوز( د قوس/ لیندۍ۲۵ نېټه):
د پاکستانی رسنیو د خبر له مخې د دغه هېواد د لنډ مهالی حکومت د کورنیو چارو سرپرست وزیر له خپلې دندې استعفا کړې ده.
د جیو ټلوېزیون د راپور له مخې د پاکستان د کورنیو چارو سرپرست وزیر خپله استعفاء تېره ورځ د دغه هېواد سرپرست لومړی وزیر انورالحق کاکړ منلې ده.
سرفراز بګټی د افغان کډوالو د وېستلو پلوی او د دې پلان یو طراح و.
هغه له تېر اکتوبر راهیسې له ۴ لکو د ډېرو افغانانو په وېستلو کې مهم رول درلود.
جیو د خپلو سرچینو په حواله لیکلی، چې بګټی د ډسمبر په ۱۳مه خپله استعفاء لومړی وزیر کاکړ ته وړاندې کړې وه، خو هغه پرون منلې ده.
راپور کې راغلی چې سرفراز بګټی د شخصی دلایلو له امله استعفاء کړې ده، خو اکسپرس نیوز رسنۍ بیا ویلی چې بګټی په ټاکنو کې د ګډون په موخه استعفاء کړې او د مسلم لیګ ګوند له ادرسه به ټاکنو کې برخه اخلی.
بل خوا ځینې پاکستانی رسنۍ لیکی، چې د پاکستان د ټاکنو کمېسیون لخوا د ټاکنو د مهالوېش له اعلان سره سم د کابینې یو شمېر سرپرستو وزیرانو له خپلو دندو استعفاوې کړې، څو په ټاکنو کې ګډون وکړی.
ــــــــــــــــــــ
ګهیځ نیوز تاسې ته د هېواد لۀ کونج – کونج او د نړۍ لۀ بېلابېلو برخو ورځنی، مهم او تازه خبرونه، راپورونه، مرکې او تبصرې د دقت پۀ پام کې نیولو سره پۀ چټک ډول وړاندې کوی.
ګهیځ نیوز، د اطلاع رسونې باوری سرچینه
زموږ خبری ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/