گهیځ
کابل-ګهیځ نیوز(د زمری/اسد ۲۳ مه نېټه)
د ګهیځ نیوز د خبر له مخې د پاکستان پوځ ویلي، چې د استخباراتي ادارې پخوانی مشر متقاعد جنرال فیض حمید یې نیولی دی.
د پاکستان پوځ ويلي، د پوځي استخباراتي ادارې پخوانی مشر جنرال فیض حمید یې نيولی او پر ضد یې د پوځي قوانينو لاندې دوسیه پيل کړې ده.
د پوځ د عامه اړیکو ادارې ویلي، چې حميد یې د پاکستان د سترې محکمې د هغه حکم په اساس نیولی چې د نوموړي په اړه یې د درغليو په مقدمه کې ورکړی و.
پوځ زیاته کړې، د سترې محکمې له حکم سره سم یې تحقیقات پيل کړي چې د ټاپ سټي په نوم قضيه کې د جنرال فیض حميد پر ضد د شکايتونو کره والی معلوم کړي.
حميد د ۲۰۱۹م کال د جون له میاشتې د ۲۰۲۱م کال تر نومبر پورې د پاکستان د استخباراتي ادارې یا ISI مشر و.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/