گهیځ
کابل-ګهیځ نیوز( دلیندۍ ۱۲مه ۱۴۰۱)
په افغانستان کې د ملګرو ملتونو مرستندویه ماموریت (یوناما) په ګډون په کور دننه او بهر د کابل پرونۍ پېښې غندل شوی دی. یوناما په یوه ټویټ کې پر دغو پېښو خواشینی ښودلې او په کې ژوبلو ته یې د بېړنۍ روغتیا هیله کړې.
همدارنګه پخوانی ولسمشر حامدکزی، ډاکټر عبدالله، فاروق وردګ، ضیاء الحق امرخیل او ګن شمېر نورو پخوانیو چارواکو هم دغه پېښې غندلی دی.
تېره ورځ د جمعې لمانځه مهال لومړی د حزب اسلامی د مشر ګلبدین حکمتیار هستوګنځی او دفتر ډله ییز وسلوال برید وشو، چې ورپسې مازیګر مهال بیا کابل کې بلې ډلې وسلوالو بریدګرو د پاکستان د سفارت مشر ډیپلومات په نښه کړ.
د حکمتیار پر دفتر شوی برید کې یو تن وژل شوی او دوه نور ټپیان دی. بل لور بیا د پاکستان سفارت پر مشر ډیپلوماټ باندې برید کې یو تن ژوبل شوی دی.
د پاکستان د سفارت پر مشر ډیپلومات تر برید وروسته د بهرنیو چارو سر پرست وزیر امیر خان متقی د پاکستان د بهرنیو چارو له وزیر بلاول بوټو سره ټیلیفونی خبرې وکړې او نوموړی ته یې پر دغې پېښې ژوره خواشینی څرګنده کړه.
د دغو بریدونو مسوولیت تر دې دمه کومې ډلې پر غاړه نه دی اخیستی.
ـــــــــــــــــــــــ
د ګهیځ له ټلیګرام خبری چینل سره یو ځای شئ⬇
https://t.me/+AuWDZ2LArLI2MWE1
اخبار عاجل
- ډیورند کرښې ته څېرمه د افغان خبریالانو د ټپی کېدو په اړه د ګهیځ اعلامیه
- د ټولګټو وزیر د چین له سفیر سره د واخان دهلېز او افغان ټرانس پروژو په اړه خبرې کړی
- د اسلامی نظام په ټینګښت کې د رسنیو ونډه
- زموږ پر ادبیاتو د مهاجرت او پردېسۍ اغېزې
- د حـ.ـزب الله او اسراییلو ترمنځ پر دوه میاشتنی اوربند هوکړه وشوه
- د برېکس سرمشریزه نن د روسیې په کازان ښار کې پیل شوه
- د کانونو سرپرست وزیر د دریو هېوادونو له علماوو او پانګوالو سره کتلی
- لبنان کې اسراییلی اشغالګرو د حـ.ـزب الله استخباراتی مرکزونه په نښه کړی
- پاکستان دې بلوچستان کې د داعـ.ش مرکزونو پر ضد اقدام وکړی
- وزارت اطلاعات و فرهنگ: باید روی توسعه زبان های ملی کشور کار صورت گیرد