گهیځ
ګهیځ نیوز: نن دوشنبه (د زمری/اسد ۱۰مه او د اګسټ میاشتې لومړۍ نېټه ده) کانونو او پټرولیم وزارت وایی، چې د چنګاښ میاشتې له ۳۰مې د زمری تر ۵مې نیټې یې ټولټال ۲۰۶ میلیونه ۶۷۰ زره او ۸۸ افغانۍ او ۳ میلیونه ۹۹ زره او ۹ سوه امریکایی ډالره عواید راټول کړی دی.
دغه وزارت ویلی، چې څه باندې ۲۰۰ میلیونه افغانۍ عواید یې د تېلو د سکټور او د نورو کانیزو پروژو له لارې ترلاسه کړی چې بې سارې دی.
د راپور له مخې تېره میاشت کې د کانونو له درکه ۱۸۴ میلیونه افغانۍ عواید ټول شوی.
