گهیځ
کابل-ګهیځ نیوز( د جوزا/ غبرګولي ۲۵مه نېټه):
د راپورونو له مخې د سره صلیب نړیوالې کمېټې پر نړیوالې ټولنې غږ کړی، چې په اوږدمهال کې په افغانستان کې د بشري ناوړه وضعیت د له منځه وړلو لپاره دې ځنډول شوې پروژې بیا پيل کړي.
سره صلیب پر نړیوالې ټولنې او پر هغو بنسټونو چې پرمختیايي کارونه کوي، غږ کړی چې افغانستان کې د بشري وضعیت د لانورې خرابۍ مخنیوي لپاره دې هېواد کې پانګونه له سره پیل کړي.
د خبر له مخې ياده نړیواله کمېټه چې له څو لسیزو راهیسې افغانستان کې د خېر_ښیګڼې کارونه کوي وايي، افغانستان کې بشري وضعیت ته په کتو اړتیا ده چې د دې ستونزې د حل لپاره پر اوږد مهالو لارو چارو غور وشي.
سره صلیب له نړیوالې ټولنې غوښتي چې د یوې حل لارې په توګه دې ځنډول شوې اساسي پروژې له سره پيل کړي، دغه راز دې دولتونه او پرمختیايي بنسټونه د افغانستان لر او بر کې په مهمو بنسټيزو پروژو کې پانګونه وکړي.
ـــــــــــــــــــــــ
د نورو خبرونو لپاره زموږ له ټلیګرام،ټویتر، ویب سایټ او د فېسبوک پاڼې له خبري چینلونو سره ملګري شئ⬇️
Tel:
https://t.me/+Vy9GsPl90MY3NjVl
twitter:
Tweets by GaheezAgency
Web:
FB page:
https://www.facebook.com/Gaheez-News-105079805744164/