گهیځ
کابل-ګهیځ نیوز( د جوزا/ غبرګولی ۲۵مه نېټه):
د راپورونو له مخې د سره صلیب نړیوالې کمېټې پر نړیوالې ټولنې غږ کړی، چې په اوږدمهال کې په افغانستان کې د بشری ناوړه وضعیت د له منځه وړلو لپاره دې ځنډول شوې پروژې بیا پیل کړی.
سره صلیب پر نړیوالې ټولنې او پر هغو بنسټونو چې پرمختیایی کارونه کوی، غږ کړی چې افغانستان کې د بشری وضعیت د لانورې خرابۍ مخنیوی لپاره دې هېواد کې پانګونه له سره پیل کړی.
د خبر له مخې یاده نړیواله کمېټه چې له څو لسیزو راهیسې افغانستان کې د خېر_ښیګڼې کارونه کوی وایی، افغانستان کې بشری وضعیت ته په کتو اړتیا ده چې د دې ستونزې د حل لپاره پر اوږد مهالو لارو چارو غور وشی.
سره صلیب له نړیوالې ټولنې غوښتی چې د یوې حل لارې په توګه دې ځنډول شوې اساسی پروژې له سره پیل کړی، دغه راز دې دولتونه او پرمختیایی بنسټونه د افغانستان لر او بر کې په مهمو بنسټیزو پروژو کې پانګونه وکړی.
ـــــــــــــــــــــــ
د نورو خبرونو لپاره زموږ له ټلیګرام،ټویتر، ویب سایټ او د فېسبوک پاڼې له خبری چینلونو سره ملګری شئ⬇️
Tel:
https://t.me/+Vy9GsPl90MY3NjVl
twitter:
Tweets by GaheezAgency
Web:
FB page:
https://www.facebook.com/Gaheez-News-105079805744164/