گهیځ
کابل-ګهیځ نیوز( د میزان/ تلې ۳ مه نېټه):
د ګهیځ نیوز د خبر له مخې د کابل په سروبي او د وردګو په چک ولسوالۍ کې د ټرافیکي پېښو له امله دوه تنه مړه او ۱۳ تنه نور ټپیان دي.
خبر زیاتوي، چې سروبي سیمه کې تېره ورځ د فراډو او ټېلر موټر ټکر شوی، چې یو کس په کې مړ او پنځه نور زخمیان شوي دي.
دغه راز د یو بل خبر له مخې د مېدان وردګو ولایت د چک ولسوالۍ اړوند ګردن مسجد سیمه کې د یو موټر د چپه کېدو په پېښه کې یو تن مړ او اته نور ژوبل شوي دي.
د پلټونکو مسوولینو په باور دواړه پېښې د موټر چلوونکو د بې غورۍ له امله رامنځته شوې دي.
مسوولین وایي، د دواړو پېښو ټپیان روغتونونو ته وړل شوي، چې د اکثرو زخمیانو روغتیایي وضعیت د اندېښنې وړ دی.
دې وروستیو کې پر لویو لارو د ترافیکي پېښو ډېرښت له امله خلک اندېښمن شوي او له مسوولو چارواکو غواړي چې د دغه ډول پېښو مخنیوي برخه کې خپل کوټلي ګامونه پورته کړي.
ـــــــــــــــــــــــ
ګهیځ نیوز تاسې ته د هېواد لۀ کونج – کونج او د نړۍ لۀ بېلابېلو برخو ورځني، مهم او تازه خبرونه، راپورونه، مرکې او تبصرې د دقت پۀ پام کې نیولو سره پۀ چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
Tweets by GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/