گهیځ
کابل-ګهیځ نیوز(د کب/ حوت ۱۹ مه نېټه)
ګهیځ نیوز ته یوې سرچینې ویلي، چې پاکستاني پولیسو د اسلام آباد او راولپنډۍ په ښارونو کې سلګونه افغان کډوال نیولي، چې یو شمېر یې د “پي او ار” کارتونه هم لري.
دغه نیول شوي افغانان اسلام آباد کې د کډوالو یوه کمپ ته لېږدول شوي دي.
د سرچینې په وینا دغه افغانان له قانوني اسنادو سره – سره په ناقانونه توګه نیول کیږي.
سرچینې ګهیځ نیوز ته ویلي، پاکستاني ځواکونه حتیٰ هغه کسان هم نیسي، چې د ملګرو ملتونو د کډوالو عالي کمېشنرۍ (UNHCR) رسمي کارتونه لري.
دا نیونې په داسې حال کې کیږي، چې د پاکستان د کورنیو چارو وزارت تازه اعلان کړی، چې ټول اسناد لرونکي افغان کډوال باید د مارچ میاشتې تر پای پورې له پاکستانه ووځي.
د کډوالو مدافعین او ځینې حقوقي فعالان د پاکستان دغه چاره غندي او غوښتنه کوي، چې پاکستان باید د کډوالو نړیوال قوانین رعایت کړي.
دا په داسې حال کې ده، چې د افغانستان او پاکستان ترمنځ سیاسي ترینګلتیاوې دې وروستیو کې زیاتې شوي او تورخم کې د دواړو لورو ترمنځ درنې نښتې هم ترسره شوې.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/