سوداګرۍ وزارت وایی، د هېواد له صنعت او صنعتکارانو بشپړ ملاتړ کوی

کابل-ګهیځ نیوز( د جدی/ مرغومی۲۰ مه نېټه):

راپورونو له مخې د صنعت او سوداګرۍ وزارت مرستیال، د مېدان وردګو له صنعتکارانو سره په کتنه کې دوی ته د هر راز همکارۍ او ملاتړ ډاډ ورکړی.

د راپور پر بنسټ، په دې کتنه کې د مېدان وردګو ولایت صنعتکارانو، د دغه ولایت د کوتل تخت صنعتی پارک په اړه خپلې ستونزې او وړاندیزونه شریک کړی او د دغه پارک د زېربناوو جوړولو لپاره یې چمتووالی څرګند کړی دی.

دغه راز د صنعت او سوداګرۍ وزارت مرستیال زیاته کړې، چې د صنعت او سوداګرۍ وزارت په هېواد کې د صنعتی پارکونو د زېربناوو جوړولو په اړه پلانونه لری او په وینا یې، صنعتکارانو ته په صنعتی پارکونو کې د ځمکو د وېش د لا همغږۍ په اړه دغه وزارت ته لارښوونه شوې، چې د زېربناوو په برخه کې دې یوه هر اړخیزه کړنلاره جوړه کړی، څو په صنعتی پارکونو کې د ځمکو د بیې او همدارنګه د پارکونو قانون ترتیب شی.

نوموړی ویلی، د افغانستان د خلکو ژوند په بېړنی ډول د صنعت ودې ته اړتیا لری او په همدې خاطر د هېواد له صنعت او صنعتکارانو څخه بشپړ ملاتړ کوی.

ـــــــــــــــــــ

ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځنی، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوی.

ګهیځ نیوز، د اطلاع رسونې باوری سرچینه

زموږ خبری ادرسونه👇

Telegram:

https://t.me/+Vy9GsPl90MY3NjVl

twitter:

https://twitter.com/GaheezAgency

Web:

https://www.gaheez.af/

FB page: