گهیځ
کابل-ګهیځ نیوز(د سلواغې / دلو ۱۴ مه نېټه)
د ګهیځ نیوز د خبر له مخې د صنعت او سوداګرۍ وزارت خبر ورکړی، چې د دغه وزارت سرپرست نورالدین عزیزي په هېواد کې د جلغوزي سکتور له سوداګرو سره کتلي دي.
د خبر پر بنسټ په دې کتنه کې د جلغوزي سوداګرو ستونزې شریکې شوې او د جلغوزي د پروسېس فابریکو پر جوړولو ټینګار شوی.
دغه راز د جلغوزي پر صادراتو، د دغه سکتور پر ملاتړ او هېواد کې د جلغوزیو مارکېټ پر جوړولو بحث شوی دی.
د صنعت او سوداګرۍ وزارت سرپرست د جلغوزي سکتور د سوداګرو د خبرو په اورېدو سره له هغوی څخه د بشپړ ملاتړ ډاډ ورکړی او ویلي یې دي، چې د دغه سکتور د سوداګرو ترمنځ ناسالم رقابت به ډېر ژر پای ته ورسیږي او ټول سوداګر به په واحده اتحادیه کې سره راټول شي.
د یادولو وړ ده چې دا مهال د افغانستان جلغوزي، چین، هند او یو شمېر اروپایي هېوادونو ته صادریږي.
ـــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/