گهیځ
کابل-ګهیځ نیوز( د جدی/ مرغومي ۱۳ مه نېټه):
د ګهیځ نیوز د خبر له مخې د افغاني سرې میاشتې ټولنې ته د سره صلیب نړیوالې کمېټې له لوري د ۱۶ امبولانسونو مرسته وشوه او د ۲۲ نورو د ورکړې ژمنه یې وکړه.
د خبر پر بنسټ، د دغې ټولنې رییس د ۱۶ امبولانسونو د سپارلو مراسمو کې له ټولو خېریه او مرستندویو بنسټونو څخه د بشري مرستو له امله مننه کړې او پرې غږ یې کړی چې په دغو حساسو شرایطو کې د افغانانو لاسنیوی وکړي.
خبر زیاتوي، د افغاني سرې میاشتې رییس ویلي، چې د سعودي عربستان د ملک سلمان خېریه بنسټ له افغاني سرې میاشتې ټولنې سره د خوراکي توکو مرسته هم کړې، څو پر ۵۵۰۰ هغو افغان کورنیو ووېشل شي، چې له ګاونډیو ملکونو څخه تازه هېواد ته راستنیږي.
د یادو مراسمو پرمهال په عملیاتي چارو کې د سره صلیب نړیوالې کمېټې مرستیال ژمنه وکړه، چې دغه کمېټه به ډېر ژر ۲۲ نور امبولانسونه هم دغې ټولنې ته وسپاري.
ــــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/