غزه کې د فلسطینی وګړو د مړینې کچه له ۳۵ زره کسانو څخه واوښته

کابل-ګهیځ نیوز( د ثور ۲۵مه نېټه):

د ګهیځ نیوز د خبر له مخې په غزه کې روغتیایی چارواکو د یوې خبرپاڼې په خپرولو سره ویلی، چې د غزې په تړانګه کې د اسراییلو په روانو بریدونو کې د وژل شویو بې دفاع فلسطینی وګړو شمېر له ۳۵ زرو څخه واوښت.

په راپور کې ویل شوی، تېرو ۲۴ ساعتونو کې د اسراییلو پوځ ۶۳ فلسطینیان وژلی او ۱۱۴ نور یې ټپیان کړی، چې په دې سره د تېر اکټوبر میاشتې راهیسې د فلسطینیانو او اسراییلو تر منځ د جګړې له وروستی پړاو راهیسې د وژل شویو شمېر ۳۵زره او د ټپیانو شمېر ۷۸زره ۷۵۵ ته رسېدلی دی.

دغه راپور یادونه کړې، یو شمېر قربانیان لاهم تر خاورو لاندې دی، چې امبولانس او د ملکی دفاع عملې نشی کولی، دوی ته رسېدنه وکړی.

د یادونې وړ ده چې له یو میلیون څخه ډېر بې ځایه شوی ولسی فلسطینیانو په رفح کې د پناه په لټه کې دی، چېرې چې د اړتیا وړ توکو؛ لکه: اوبو، خوراکی توکو او طبی پاملرنې کمبود له امله سخت بشری بحران رامنځته شوی دی.

ــــــــــــــــــ

ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځنی، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوی.

ګهیځ نیوز، د اطلاع رسونې باوری سرچینه

زموږ خبری ادرسونه👇

Telegram:

https://t.me/+Vy9GsPl90MY3NjVl

twitter:

https://twitter.com/GaheezAgency

Web:

https://www.gaheez.af/

FB page:

https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/