گهیځ
کابل-ګهیځ نیوز(د مرغومي / جدی ۳ مه نېټه)
د ګهیځ نیوز د خبر له مخې د بشري حقونو د څار سازمان ویلي، فلسطینیان له تېر کال راهیسې غزه کې اوبو ته بشپړ لاسرسی نه لري.
د دې سازمان په وینا، اسراییلي چارواکو په قصدي ډول فلسطینیان د اوبو، ګازو او برېښنا له اسانتیاوو محروم کړي دي.
تېره ورځ دې ادارې پر اېکس پاڼې یو ویډیویي پیغام کې د اسراییلو دغه کړنې د بشریت ضد جنایت او نسل وژنې په توګه غندلې دي.
یاد سازمان ویلي، د غزې نل لیکې او برېښنا لینونه قصداً ویجاړ شوي، چې د سیمې د اوسېدونکو روغتیايي وضعیت یې خراب کړی دی.
راپور زیاتوي چې په غزه کې د ساري ناروغیو خپرېدل زیات شوي او زرګونه کسانو ته یې مرګ- ژوبله اړولې ده.
د بشري حقونو د څار سازمان له نړیوالو غوښتي، چې په غزه کې د نسل وژنې مخنیوي لپاره فوري او اغېزناک ګامونه پورته کړي او د ملکیانو د خوندیتوب لپاره لاس په کار شي.
ـــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/