گهیځ
کابل-ګهیځ نیوز( د جدی/ ۵ مه نېټه):
د راپورونو له مخې د قزاقستان د کازینفورم خبري آژانس خبر ورکړی، چې قزاقستان په روان زېږدیز کال کې ټولټال د ۳۱۰ میلیارده ټینګې په اندازه بشري مرسته له تاجکستان، افغانستان او قرغزستان سره کړې ده.
د راپور پر بنسټ، استانه له افغانستان سره د ۲۱۶ میلیارده ټینګې په اندازه چې شاوخوا ۴۷۲ میلیون امریکایي ډالر کیږي، بشري مرسته کړې ده.
له تاجکستان سره د دې هېواد د مرستو اندازه څه باندې ۷۷ میلیارد ټینګې او له قرغزستان سره یې د څه باندې ۱۶ میلیارده ټینګې مرسته ښودلې ده.
قزاقستان د هرات له زلزله ځپلو سره هم د شاوخوا ۱۶ سوه ۵۹ ټنه خوراکي او غیرخوراکي توکو مرسته چې د غنمو، وريجو، غوړیو، شیدو، کمپلو او جامو مرسته کړې وه، چې د رېلګاډي پټلۍ له لارې په ۱۷ واګونونو کې افغانستان ته لېږل شوې وې.
ــــــــــــــــــــ
ګهیځ نیوز تاسې ته د هېواد لۀ کونج – کونج او د نړۍ لۀ بېلابېلو برخو ورځني، مهم او تازه خبرونه، راپورونه، مرکې او تبصرې د دقت پۀ پام کې نیولو سره پۀ چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/