گهیځ
کابل-ګهیځ نیوز(د سرطان ۱۲ مه نېټه)
د ګهیځ نیوز د خبر له مخې په دوحه کې د افغانستان په تړاو د ملګرو ملتونو دوه ورځنۍ ناسته پای ته ورسېده.
د خبر پر بنسټ په دې دوه ورځنۍ ناسته کې د شاوخوا ۲۵ هېوادونو او پنځو نړیوالو سازمانونو استازو د افغانستان سرپرست حکومت له پلاوی سره د رسنیو له حضور پرته خبرې وکړې.
دې ناستې ته د سرپرست حکومت پلاوی پر خپلې ټویټر پاڼې لیکلی، چې د افغانستان پیغامونه ټولو ګډونوالو هېوادونو ته ورسېدل.
نوموړی زیاته کړې، چې افغانستان د خصوصی سکتور سره د همکارۍ او د نشه یی توکو پر وړاندې د مبارزې او بدیل معیشت په برخه کې د هېوادونو همکارۍ ته اړتیا لری، چې اکثره هېوادونو په دې برخه کې د همکارۍ خبره وکړه.
په سولې او سیاسی چارو کې د ملګرو ملتونو د سرمنشی مرستیالې روزماری دی کارلو هم چې د دې ناستې مشری یې کوله، د یادې غونډې په پای کې وویل، هیله منده ده چې د افغانستان له سرپرست حکومت سره د ترسره شویو خبرو او تعامل له لارې د حکومتولۍ برخه کې پرمختګونو راشی.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځنی، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوی.
ګهیځ نیوز، د اطلاع رسونې باوری سرچینه
زموږ خبری ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/