گهیځ
کابل-ګهیځ نیوز(د زمری/اسد ۱۰ مه نېټه)
د ګهیځ نیوز د خبر له مخې افغان کرکټ بورډ د روان کال په سپتمبر میاشت کې د نیوزیلنډ پر وړاندې د ټېسټ له یوازینۍ لوبې وروسته د دریو نړیوالو یو ورځنیو سیالیو د لوبلړۍ په موخه د سویلي افریقا لوبډلې کوربه توب کوي.
د دغو لوبو لومړۍ به د همدې میاشتې په ۱۸مه نېټه پیل او لوبلړۍ به یې د سپتمبر تر ۲۲مې نېټې پورې دوام وکړي. د مسوولینو په وینا هندوستان هېواد کې د افغانستان په کوربتوب د نیوزیلنډ لوبډلې پر وړاندې له ټېسټ لوبې وروسته به د سویلي افریقا لوبډلې پر وړاندې د دریو نړیوالو یو ورځنیو سیالیو لوبلړۍ په متحده عربي اماراتو کې د دواړو لوبډلو ترمنځ ترسره شي.
دغه درې نړیوالې یو ورځنۍ لوبې به د سپتمبر میاشتې په ۱۸مه، ۲۰مه او ۲۲مه نېټه ترسره شي، چې دغه راز به ډېر ژر د نیوزیلنډ پر وړاندې د یوازینۍ ټېسټ لوبې او سویلي افریقا لوبډلې پر وړاندې د دغې لوبلړۍ په موخه لوبډلې هم اعلان شي.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/