گهیځ
کابل-ګهیځ نیوز(د سلواغې / دلو ۱۴ مه نېټه)
د ګهیځ نیوز د خبر له مخې د صنعت او سوداګرۍ وزارت ویلي، چې له منځنۍ آسیا سره یې سوداګریزې اړیکې پراخې کړې او یوازې د روان ۱۴۰۳ لمریز کال په تېرو لسو میاشتو کې یې ورسره څه باندې یو نیم میلیارد ډالره سوداګري کړې ده.
د دغه وزارت د معلوماتو له مخې، له افغانستانه منځنۍ آسیا ته د ۱۱۲ میلیونه ډالرو په ارزښت بېلابېل توکي، په ځانګړي ډول وچه او تازه مېوه صادر شوې ده.
د صنعت او سوداګرۍ وزارت ویاند عبدالسلام جواد د یوې ویډیو خپرولو پر مهال ویلي، افغان سوداګرو د ۱.۵ میلیارد ډالرو په ارزښت توکي له منځنۍ آسیا څخه افغانستان ته وارد کړي دي.
یاد وزارت ټینګار کړی، چې د سوداګرۍ د لا پراخوالي لپاره هڅې روانې دي او له سیمې سره د صادراتو او وارداتو توازن د پیاوړتیا پر لور روان دی.
ـــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/