گهیځ
کابل-ګهیځ نیوز( د حوت/کب ۱۰ مه نېټه):
د ملګرو ملتونو د بشری حقونو د شورا یوه غونډه د سویس په جنیوا کې جوړه شوې وه.
په دغه غونډه کې د ځینو هېوادونو استازو، په افغانستان کې له زده کړو او کاره د نجونو او ښځو پر منع کېدو نیوکه کړې.
یاده غونډه کې د سعودی عربستان د بشری حقونو د کمېسیون مشرې هلا مزیاد التویجری کابل کې له حکومتی چارواکو غوښتی، چې د ښځو په اړه خپلې شوې پرېکړې لغوه کړی.
د افغانستان لپاره د ملګرو ملتونو ځانګړی استازی د بشری حقونو شورا غونډې ته په خپل راپور کې لیکلی، چې په افغانستان کې پر ښځو بندیزونو، اقتصاد او د بشری مرستو د رسولو بهیر اغېزمن کړی، خو د افغانستان د سرپرست حکومت مرستیال ویاند ویلی، چې د ښځو حقونه د شریعت د اصولو په رڼا کې تامینیږی.
د یو شمېر سرچینو د اطلاعاتو له مخې سرپرست افغان حکومت ښایی چې د راتلونکی درسی کال له پیله پر مېرمنو او ښځو یاد بندیزونه تر ډېره بریده راکم کړی.
ـــــــــــــــــــــــ
د نورو خبرونو لپاره زموږ له ټلیګرام،ټویتر، ویب سایټ او د فېسبوک پاڼې له خبری چینلونو سره ملګری شئ⬇️
Tel:
https://t.me/+Vy9GsPl90MY3NjVl
twitter:
Tweets by GaheezAgency
Web:
FB page:
https://www.facebook.com/Gaheez-News-105079805744164/
