گهیځ
ګهیځ نیوز: نن چهارشنبه (د وری ۱۷مه او د اپرېل ۶مه نېټه ده) ملګری ملتونه وایی افغانستان کې اوسنۍ بشر پاله مرستې بسنه نه کوی.
په افغانستان کې د دغې ادارې د پراختیایی پروګرام مشر عبدالله الدردادی ویلی، چې دلته د خلکو د ژغورنې لپاره د دوی پر هوساینه لا ډېر کار ته اړتیا ده.
د نوموړی په وینا تر هغه چې نړیواله ټولنه د افغانانو د ژغورنې او اقتصادی ودې لپاره یو پیاوړی او پراخ پروګرام پیل نه کړی اوسنۍ مرستې به پایله و نه لری او بسنه هم نه کوی.
عبدالله وایی که نړیواله ټولنه په رښتیا غواړی چې په افغانستان کې بشری ننګونې کمې کړی نو د افغانانو د ژوند په ښه کولو کې باید رغنده رول ترسره کړی.
ملګرو ملتونو تر دې وړاندې هم ویلی و چې په افغانستان کې روان بشری وضعیت بوږنوونکی دی، راټولې شوې مرستې بسنه نه کوی او لا ډېرو مرستو ته اړتیا لیدل کېږی.
