ننګرهار کې د صنعتی پارکونو جوړولو لپاره ۲۰ زره جریبه ځمکه ځانګړې شوه

کابل-ګهیځ نیوز(د سلواغې / دلو ۱۵ مه نېټه)

د ګهیځ نیوز د خبر له مخې د ننګرهار کرنې ریاست مسوولینو ویلی، چې د دې ولایت په روداتو ولسوالۍ کې د صنعتی پارکونو جوړولو په موخه ۲۰ زره جریبه ځمکه تثبیت، تعین او انتقال چارې یې بشپړې شوې.

د دوی په وینا د مشرتابه د حکم پر اساس دغه ځمکه صنعت او سوداګرۍ وزارت ته انتقال شوې او اړوند ټول اسناد یې چمتو او تایید شوی دی.

د مسوولینو په خبره یاده ځمکه کې به صنعتی پارکونه جوړ شی، چې د صنعتکارانو ستونزې به حل، پانګوالو ته به زمینه برابره او د هېواد پر اقتصاد به مثبت اغېز وکړی.

د ننګرهار کرنې، اوبو لګولو او مالدارۍ رییس مولوی محمد ولی محسن د یاد اقدام هرکلی کړی او دا یې د هېواد د پرمختګ لپاره مهم ګام بللی دی.

ـــــــــــــــــ

ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځنی، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوی.

ګهیځ نیوز، د اطلاع رسونې باوری سرچینه

زموږ خبری ادرسونه👇

Telegram:

https://t.me/+Vy9GsPl90MY3NjVl

twitter:

https://twitter.com/GaheezAgency

Web:

https://www.gaheez.af/

FB page:

https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/