گهیځ
کابل-ګهیځ نیوز(د کب/ حوت ۱۱ مه نېټه)
د ګهیځ نیوز د خبر له مخې د ننګرهار په شپږو ولسوالیو کې د مور او ماشوم ۱۰ روغتیایي کلینیکونه تر جوړېدو وروسته د عامې روغتیا وزارت او سیمه ییزو مسوولینو له لوري رسماً ګټې اخیستنې ته وسپارل شول.
د ننګرهار عامې روغتیا رییس مولوي امینالله شریف ویلي، یاد کلینیکونه د UNFPA په مالي ملاتړ او د JACK ادارې په تخنیکي همکارۍ جوړ شوي، چې د هر کلینیک جوړولو لګښت ۴۶۰۰۰ امریکایي ډالره او ټولیز لګښت یې ۴۶۰ زره امریکایي ډالرو ته رسیږي.
دا کلینیکونه د کوز کونړ، نازیانو، دوربابا، اچین، خوګیاني او هسکې مېنې ولسوالیو کې جوړ شوي دي.
د نوموړي په وینا، د دې کلینیکونو له لارې به هر کال شاوخوا ۲۰ زره ۷۵۰ تنه وګړي روغتیايي خدمات ترلاسه کړي.
په ورته مهال د عامې روغتیا وزارت د روغتیایي خدمتونو معین مولوي عبدالولي حقاني وویل، د دې مرکزونو له جوړېدو سره به د مور او ماشوم روغتیايي ستونزې کمې شي او هڅه پیل شوې، چې د ټول هېواد په ۳۱۸ ولسوالیو کې یو – یو لوی روغتون چې ټولې طبي اسانتیاوې ولري، جوړ شي.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/