گهیځ
کابل-ګهیځ نیوز(د زمری/اسد ۲۰ مه نېټه)
د ګهیځ نیوز د خبر له مخې نن د هېواد په ځینو ولایتونو کې ماشومانو ته د ګوزڼ یا پولیو ضد واکسین ورکولو کمپاین پیلیږي.
له پولیو څخه د خلاص افغانستان بنسټ پر خپلې اېکس پاڼې د دې خبر د ورکولو ترڅنګ له ټولو کورنیو غوښتي، چې له ګوزڼ ناروغۍ څخه د افغانستان په خلاصون کې ونډه واخلي.
په دغه ټویټ کې څرګنده شوې نه ده، چې له پنځو کلونو کم عمره ماشومانو ته د پولیو ناروغۍ ضد د واکسین ورکولو دغه کمپاین به په څو ولایتونو کې پلی شي او څومره ماشومانو ته به واکسین ورکړل شي.
د روغتیا د نړیوال سازمان تر چتر لاندې د پولیو د له منځه وړلو د نوښت په نوم بنسټ په دې وروستیو کې ویلي، چې په افغانستان کې د روان زېږدیز کال له پیله د پولیو نهه مثبتې پېښې ثبت شوې دي.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/