گهیځ
کابل-ګهیځ نیوز( د دلو/ سلواغه ۲۱ مه نېټه):
د ګهیځ نیوز د خبر له مخې ټاکل شوې چې نن د لوړو زده کړو وزارت رهبرۍ له لوري ننګرهار پوهنتون کې د اقلیم بدلون ستر علمي نړیوال کنفرانس ترسره شي.
د خبر پر بنسټ، دغه کنفرانس چې د سیمې هېوادونو په کچه تر اوسه جوړ شوی نه دی، تمه ده چې په کې د داخلي استادانو په ګډون د ګڼ شمېر بهرنیو هېوادونو څېړونکي او استادان برخه واخلي او په افغانستان کې د اقلیمي بدلون د اغېزو په اړه خپلې مقالې له ګډونوالو سره شریکې کړي.
د دې کنفرانس تر پیل وړاندې د ننګرهار پوهنتون د څېړنو او علمي مجلو مرستیال پوهنمل دوکتور کفایت الله کاکړ د حکومت د اطلاعاتو او رسنیو مرکز کې یوه خبري کنفرانس پرمهال ویلي، چې د دغه کنفرانس لپاره د ۲۵۰ په شاوخوا کې څېړنیزې مقالې رالیږل شوي، چې له ډلې یې ۲۰ مقالې له بهرنیو هېوادونو څخه دي.
ــــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/