گهیځ
ګهیځ: نن چهارشنبه (د کب ۲۵مه او د مارچ ۱۶مه نېټه ده) د حکومت له خوا په خپره شوې خبرپاڼه کې ویل شوی، چې دغه کمیسیون د (د راستنیدو او اړیکو کمیسیون) تر عنوان لاندې جوړ شوی او مشری یې د کانونو او پټرولیم وزارت سرپرست مولوی شهاب الدین دلاور کوی.
په دې خبرپاڼه کې د دغه کمیسیون د فعالیتونو په اړه جزئیات نه دی ورکړل شوی.
د اسلامی امارت تر واکمنۍ راهیسې د پخوانی حکومت ډېری چارواکی له افغانستانه تښتېدلی دی. د اسلامی امارت چارواکو په وار وار پر پخوانیو چارواکو غږ کړی چې هېواد ته دې راستانه شی.
د دولت کابینې هم د خپلو امنیتی ځواکونو پر موټرو د اسلامی امارت د مشرانو د عکسونو پر لګولو «بشپړ» بندیز لګولی دی.
په دې اړه په خپره شوې خبرپاڼه کې ویل شوی، چې د کورنیو چارو، دفاع او استخباراتو وزارتونو ته دنده سپارل شوې چې تر خپل واک لاندې ځواکونه له دې کار منع کړی.
