گهیځ
شنبه، د لړم ۲۸مه
کابل/ګهیځ: په هرات کې ځایی چارواکی وایی، چې د دغه ولایت په انجیل ولسوالۍ کې په یوه ترافیکی پېښه کې د واده د هلک په ګډون دوه تنه مړه او شپږ نور ژوبل شوی دی.
دا پېښه تېره ورځ (جمعه، د لړم ۲۷مه) د انجیل ولسوالۍ په جغرتان سیمه کې را منځ ته شوې.
ویل کېږی، چې د ناوې او زوم موټر د واده له صالون څخه کور ته پر لاره وو، چې له سړکه بې لارې او وروسته واوښته.
چارواکو د دې پېښې علت د موټر تېز چلول او بې احتیاطی بللې.
