گهیځ
کابل-ګهیځ نیوز(د سلواغې / دلو ۱۱ مه نېټه)
د ګهیځ نیوز د خبر له مخې امریکا کې د هوایي چلند ادارې مسوولینو او سپینې ماڼۍ راپور ورکړی، چې یوه داخلي مسافر وړونکې الوتکه د واشنګټن ډي سي د رونالډ ریګن هوايي ډګر ته نږدې له یوې پوځي هلیکوپتر سره ټکر کړې او د پوټامیک سیند ته لوېدلې ده.
د خبر پر بنسټ د ژغورنې او اضطراري ډلو هڅې پیل کړي او په دې هوايي ډګر کې ټولې الوتنې هم ځنډول شوې دي.
د سپینې ماڼۍ ویاندې کارولین لیویت د فاکس خبري شبکې ته ویلي، چې ولسمشر ټرمپ د پېښې په اړه خبر شوی او اړوندو ادارو ته یې د څېړنو لارښوونه کړې.
سیمه ییزې رسنۍ وایي، دغه الوتکه د ناستې پر مهال له یو پوځي هلیکوپتر سره ټکر وکړ، چئ په پایله کې یې دواړه الوتکې سختې زیانمنې شوې او الوتکه د پوټامیک سیند ته وغورځېده.
د پېښې د علت په اړه تر اوسه بشپړ معلومات نه دي خپاره شوي، خو چارواکو ویلي چې د ټکر او د پېښې د پایلو په اړه یې څېړنې روانې دي.
ـــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/