پاکستان د کډوالو د وېستنې په اړه د خپلې شوې پرېکړې پر عملي کېدو ټینګار کړی

کابل-ګهیځ نیوز(د وری/ حمل ۲ مه نېټه)

د ګهیځ نیوز د خبر له مخې د پاکستان د بهرنیو چارو وزارت ټینګار کړی، چې د افغان تابعیت کارت لرونکو او نورو ناقانونه بهرنیانو د وتلو لپاره یې ټاکل شوی ضرب‌الاجل نه دی بدل شوی.

دغه وزارت د افغان کډوالو د ایستل کېدو په تړاو د ملګرو ملتونو اندېښنې هم رد کړې دي.

د پاکستان د بهرنیو چارو وزارت ویاند شفقت علي خان د خپل اونیز خبري کنفرانس پر مهال ویلي، چې د حکومت په هغه پرېکړه کې هېڅ بدلون نه دی راغلی، چې د مارچ میاشتې له پای ته رسېدو وروسته افغان کډوال بېرته خپل هېواد ته استوي.

د پاکستان حکومت د مارچ تر ۳۱مې وروستۍ نېټه ټاکلې، څو د ACC کارت لرونکي او نور ناقانونه افغان کډوال باید په خپلې خوښې له دغه هېواده وځي او که داسې ونه کړي، نو په زور به ووېستل شي.

ــــــــــــــــــ

ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.

ګهیځ نیوز، د اطلاع رسونې باوري سرچینه

زموږ خبري ادرسونه

Telegram:

https://t.me/+Vy9GsPl90MY3NjVl

twitter:

https://twitter.com/GaheezAgency

Web:

https://www.gaheez.af/

FB page:

https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/