گهیځ
کابل-ګهیځ نیوز(د لیندۍ / قوس ۷ مه نېټه)
د ګهیځ نیوز د خبر له مخې د پاکستان د کورنیو چارو وزیر محسن نقوی ویلی، د دغه هېواد د وروستیو لاریونونو په ترڅ کې د افغان کډوالو د ګډون په اړه به نن رسنیو ته جزییات وړاندې کړی.
محسن نقوی دا څرګندونې تېره شپه د پوځ تر عملیاتو وروسته وکړې، چې په ترڅ کې یې د پخوانی لومړی وزیر عمران خان د پلویانو پر وړاندې اقدامات ترسره شول.
نوموړی زیاته کړې، چې په نږدې ورځو کې به د افغان کډوالو د برخلیک په اړه مهمه پرېکړه اعلان شی، خو نور وضاحت یې په اړه نه دی ورکړی.
د پاکستان موقت حکومت د ۲۰۲۳م کال په نوامبر کې د افغان کډوالو د وېستلو بهیر پیل کړی و، چې په ترڅ کې یې زرګونه کډوال په جبری ډول افغانستان ته واستول شول.
د پاکستانی چارواکو په وینا، دې پرېکړو کې افغان کډوالو ته د امنیتی ستونزو او د پاکستان په ناامنیو کې د هغوی د احتمالی لاس لرلو تورونه دلیل دی، خو افغان لوری د پاکستانی چارواکو دغه تورونه بې اساسه بللی دی.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځنی، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوی.
ګهیځ نیوز، د اطلاع رسونې باوری سرچینه
زموږ خبری ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/