گهیځ
کابل-ګهیځ نیوز( د دلو/ سلواغه ۲۳ مه نېټه):
د ګهیځ نیوز د خبر له مخې د پاکستان د پخواني لومړي وزیر عمران خان پلویانو د ټاکنو په بهیر کې د درغلو تر ادعا وروسته لاریونونه پیل کړي.
رسنۍ وایي، د پاکستان په راولپنډۍ او لاهور کې دغو لاریونوالو سره پولیسو له تاوتریخوالي ډک چلند کړی دی.
پولیسو ډېری ښارونو کې د هغو لاریونوالو د تیت – پرک کولو لپاره له اوښکې بهوونکي ګاز څخه کار اخیستی، چې په تاکنیز بهیر کې یې د پراخو درغلیو ادعا کړې ده.
د عمران خان د ګوند غړي وایي، دوی ټاکنو کې دوه پر درېیمه اکثریت رایي ګټلې دي.
که څه هم د تحریک انصاف ګوند مستقیماً په ټاکنو کې له ګډونه منع شوی و، خو د دې ګوند غړیو د خپلواکو کاندیدانو په توګه وکولای شول چې د پاکستان د ملي اسامبلې د ۲۶۶ څوکیو ۱۰۱ یې خپلې کړي.
د پاکستان د بل پخواني لومړي وزیر نوازشریف په مشرۍ مسلم لیګ نواز ګوند ۷۵ څوکۍ ګټلي او ورپسې د پاکستان پیپلز ګوند د ۵۴ څوکیو په ګټلو سره درېیم ځای خپل کړی دی.
د راپور له مخې، که د مسلم لیګ نواز او پیپلز ګوندونه سره ایتلاف هم وکړي، نه شي کولای چې د یوه حکومت د جوړولو لپاره ټاکلی حد پوره کړي.
ــــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/