گهیځ
شنبه، د لړم ۱۴مه
کابل/ګهیځ: د اردن په پلازمېنه عمان کې سلګونه کسانو د فلسطین له مقاومته د ملاتړ په موخه لاریون کړی.
د اناتولیا خبري اژانس د راپور له مخې، تېره ورځ (جمعه د لړم ۱۳مه) سلګونه اردنیان د الحسیني جومات مخې ته د فلسطین او اسراییلي ملېشې پر وړاندې د فلسطینیانو له مقاومته د ملاتړ په موخه راغونډ شوي و.
د معلوماتو له مخې دا لاریون د اسلامي ګوند په بلنه جوړ شوی و او معتررضانو د فلسطین په ملاتړ د اسراییلي رژیم پر ضد شعارونه ورکول.
دا په داسې حال کې ده، چې په تېره یوه شپه او ورځ کې د لویدیځي غاړې په بېلا بېلو سیمو کې د اسراییلي ملېشې په ډزو ۴ فلسطینیان وژل شوي او څو تنه نور زخمیان شوي دي.
په دې څو ورستیو میاشتو کې د لویدیځې غاړې اړوند سیمه کې په ځانګړي ډول جنین او نابلس کې پر فلسطینیانو د اسراییلي صهیونیسټي رژیم ملېشو بریدونه ډېر کړي، چې له امله یې لسګونه کسه وژل شوي او سلګونه نور زخمیان شوي دي.
