گهیځ
لیکوال: م. ذهین
واک ته د طالبانو د رسېدو سره یم د هېواد مختلفې ادارې او وزارتونه په پراخه کچه د بحث او پوښتنې وړ وګرځېدل.
په دې کې د امر بالمعروف وزارت ځانګړی دی، چې د ټولنې د اخلاقي او اسلامي اصولو د پلي کولو په پلمه لپاره جوړ شوی، خو کړنې او ګامونه یې د خلکو ځورول او د ښځو محدودول دي.
طالبانو په لومړیو وویل چې دوی به د ټولنې د اخلاقو پیاوړتیا ته ځانګړې پاملرنه وکړي. خو عملاً، د دې وزارت اقدامات په ځینو برخو کې د خلکو د حقونه محدود کړل او د ټولنیز او اقتصادي ژوند تګلارو باندې یې ورته ستر منفي اغېز وکړ.
د ښځو پر وړاندې وضع شوي محدودیتونه، چې د دې وزارت لخوا د اسلامي اصولو په پلمه د ښځو کار، تعلیم او ټولنیز ژوند محدود شو، د ټولنې په کچه پراخې اندېښنې راوپارولې.
د دغه وزارت له لوري د ښځو د محرم د ملتیا غوښتنه او د ښځو لپاره د محرم پرته د اوږد سفر بندیزونه یو ډول تروریستي افکار دي چې د نړیوالو حقوقو له اصولو سره هم په ټکر کې دي.
همدارنګه، ښځینه ښوونځي تر امرثاني پورې تړل چې د دغه په اشاره صورت نیولي، د یوې بشپړې ټولنیزې ستونزې لامل شوی.
د دې وزارت د کړنو سره – سره د رسنیو پر وړاندې وضع شوي بندیزونه او د خپل کار د انتقاد څخه مخنیوی، د دیموکراتیکو اصولو پر وړاندې یو جدي ګواښ دی. په داسې حال کې چې طالبان د مطبوعاتو د ازادۍ په اړه خپلې ژمنې تکراروي، په عمل کې د اطلاعاتو او خبریالانو د آزادۍ محدودول د دې وزارت د کارونو د منفي اغېزو برخه ده.
د دامربالمعروف وزارت د کړنو ارزونې ښيي چې په ډېرو برخو کې یې د اسلامي اصولو په پلمه د بشر له حقونو د پام وړ سرغړونه کړې. دا چارې د طالبانو داخلي او د نړیوال متناسبات له جدي ننګونو سره مخ کولی شي.
امر بالمعروف وزارت لپاره د اصلاحاتو او د کار د څرنګوالي په اړه پراخ بحث ته اړتیا ده.
دغه وزارت باید د ټولنیزو او دیني اصولو پلي کولو په ترڅ کې د بشر د کرامت او د خلکو د حقونو ته پام وکړي، څو د افغانستان راتلونکی د پراختیا، سولې او ثبات په لور روان وي. که داسې ونه کړي نو د دوی روانې چارې به د دوی له راتلو وړاندې د تروریستانو په نوم فعالیت سره هېڅ توپیر ونه لري.
پای
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
Tweets by GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/