گهیځ
ګهیځ: نن سې شنبه (د لیندۍ ۱۶مه) د ملګرو ملتونو عمومی اسمبلۍ د افغانستان څوکۍ په اړه د ځانګړې کومېټې پرېکړه تصویب کړه، چې له مخې یې دغه څوکۍ غلام اسحاقزی ته پاتې شوه.
غلام اسحاقزی په ملګرو ملتونو کې د تېر افغان حکومت دایمی استازی و، چې د یاد سازمان ځانګړی کمېټې یې پر خپل ځای د پاتې کېدو پرېکړه کړې ده.
په ملګرو ملتونو کې د افغانستان استازولۍ په خپله رسمی ټویټر پاڼه کې ویلی: ”د ملګرو ملتونو عمومی اسمبلۍ د باور اسناد ورکولو کمېټې له لوری د ملګرو ملتونو عمومی اسمبلۍ د ۷۶ دورې لپاره د افغانستان اسلامی جمهوریت استازی ته د باور ورکړل شوی لیک منلی دی”.
واک ته د اسلامی امارت له رسېدو وروسته، طالبانو خپل غړی سهیل شاهین په ملګرو ملتونو کې د افغانستان د دایمی استازی په توګه معرفی کړ.
خو د ملګرو ملتونو ځانګړې کومېټې تېره چارشنبه پرېکړه وکړه چې په عمومی اسمبلۍ کې دې د افغانستان څوکۍ د اوس لپاره اسلامی امارت ته نه ورکول کېږی.
په دې ځانګړې کومېټه کې د امریکا، روسیې، چین، سویډڼ، بهاماس، بوټان، چیلی، نمیبا او سیری لیون هېوادونو استازی شامل دی.
اسلامی امارت د ملګر ملتونو سازمان دې تازه اقدام ته کوم غبرګون نه دی ښودلی خو سهیل شاهین تېره چارشنبه پر خپله ټوېټر پاڼه لیکلی وو، چې د افغانستان خلک حق لری چې یو خپلواکه هېواد ولری او د دې لپاره یې څو لسیزې مبارزه کړې.
نوموړی دا هم لیکلی، پکار نه ده چې افغانانو باندې بندیزونه ولګول شی او په ملګرو ملتونو کې له خپلې څوکۍ بې برخې شی.
