گهیځ
ګهیځ: نن شنبه (د لیندۍ ۲۰مه) د افغانستان د اسلامی امارت د کورنیو چارو وزارت وایی، کابل کې د یوې شخصی شخړې پر مهال د یوه پخوانی افسر په ګډون ۳ تنه وژل شوی او ۴ تنه ټپیان شوی دی.
د دغه وزارت ویاند سعید خوستی رسنیو ته ویلی چې دغه وسله واله شخړه تېره ورځ د نهمې امنیتی حوزې اړوند د پکتیا کوټ په سیمه کې شوې ده.
په پېښه کې وژل شوی پخوانی افسر سمونیار عبدالغفار هوتک نومېږی چې تردې وړاندې یې ټولنیزو رسنیو کې د وژلو پړه د اسلامی امارت پر اړندو غړو اچول شوې وه.
خوستی وایی، یو شمېر کسان په لوی لاس هرې وژنې ته سیاسی رنګ ورکوی، خو ټینګار کوی چې اسلامی امارت له عمومی عفوې وروسته هیڅ څوک په تېرو کړنو نه وژلی او نه څارلی دی.
خو ځینو خپرو شو راپورونو ویلی چې د اسلامی امارت کسانو له عمومی عفوې وروسته د پخوانی حکومت ځینې کسان وژلی خو اسلامی امارت دغه راپورنه ناسم بللی دی.
