چاه بهار کې د ټرانزیټ پراختیا لپاره د افغانستان په ګډون څلور اړخیزه ناسته شوې

کابل-ګهیځ نیوز(د لیندۍ / قوس ۱۱ مه نېټه)

د ګهیځ نیوز د خبر له مخې تهران ټایمز ورځپاڼې ویلي، چې د افغانستان، ایران، هند او ازبکستان استازو د ایران د چاه بهار بندر له لارې د ټرانزیټ او سوداګریزې راکړې – ورکړې د پراختیا په موخه خبرې کړي.

د خبر پر بنسټ د دغو هېوادونو استازو پرون د هند په ممبۍ ښار کې د درېیمې کاري غونډې پرمهال د سوداګرۍ د اسانتیاوو د برابرولو لپاره د نویو ستراتیژیو په اړه بحثونه کړي.

د خبر پر بنسټ ناسته کې د چاه بهار بندر مرستیال، د هند د بندرونو او مواصلاتو وزارت استازو او په هند کې د افغانستان، ازبکستان، او ایران سفیرانو او ډیپلوماتانو ګډون کړی و.

د غونډې ګډونوالو د چاه بهار بندر د سیمې د سوداګریز مرکز په توګه د رول پر پیاوړتیا، په ښه توګه د بار وړلو مدیریت او د سیمه‌ ییز ټرانزیټ پر پرمختګ ټینګار وکړ.

دوی د دغه بندر د پراختیا په اړه پر راتلونکو همکاریو او پرېکړو هم خبرې کړي.

چاه بهار بندر د منځنۍ او جنوبي آسیا ترمنځ د ټرانزیټ او سوداګرۍ لپاره مهمه نقطه بلل کیږي.

ــــــــــــــــــ

ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.

ګهیځ نیوز، د اطلاع رسونې باوري سرچینه

زموږ خبري ادرسونه👇

Telegram:

https://t.me/+Vy9GsPl90MY3NjVl

twitter:

https://twitter.com/GaheezAgency

Web:

https://www.gaheez.af/

FB page:

https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/