گهیځ
کابل-ګهیځ نیوز(د سلواغې / دلو ۲مه نېټه)
د ګهیځ نیوز د خبر له مخې د بهرنیو چارو وزارت له لوري پرون د دغه وزارت په ستوري ماڼۍ کې د کابل او بیجینګ ترمنځ د سیاسي اړیکو ۷۰مه کالیزه د دواړو هېوادونو د ډيپلوماتانو او مسوولینو په شتون کې ونمانځل شوه.
د بهرنیو چارو وزارت سیاسي معین په یاده نمانځغونډه کې د وینا پرمهال ویلي، چين د پخواني شوروي اتحاد او امريکايي اشغال پر وړاندې د افغانانو د مبارزې او جهاد کلک سياسي ملاتړ کړی او اوسمهال هم له سرپرست حکومت سره ښې اړيکې لري.
ستانکزي زیاته کړې، چين هغه ګاونډی دی، چې تر اوسه پورې يې له افغانستان سره هېڅ ډول سرحدي شخړه نه ده رامنځته شوې.
دغه راز کابل کې د چین سفیر جاو شینګ په یاده غونډه کې ویلي، چین او افغانستان د تاریخ په اوږدو کې بې له دې چې د وخت شرایط په نظر کې ونیسي ښې اړیکې پاللې او چین به له افغانستان سره د دوستۍ سیاست ته دوام ورکړي.
ـــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/