گهیځ
کابل-ګهیځ نیوز(د تلې/ میزان ۲۶ مه نېټه)
د ګهیځ نیوز د خبر له مخې د چین د بهرنیو چارو وزارت د آسیايي څانګې مشر لیو جین سونګ بیجینګ کې د افغانستان سفیر سره کتنه کې د دواړو هېوادونو ترمنځ د سیاسي اړیکو پر لا پراختیا او پیاوړتیا، دوه اړخېزې سوداګرۍ او اقتصادي پیاوړتیا خبرې کړي.
دې کتنه کې د سیمې او ګاونډیو هېوادونو سره د مثبتو تعاملاتو، سیاسي، اقتصادي، سوداګریزو او ټرانزیټي همکاریو پر دوام هم خبرې شوي.
لیو جین سونګ د چین او افغانستان ترمنځ د واخان دهلېز د فعالېدو په اړه د افغان حکومت هڅې ستایلي او له خپل لوري یې په تدریج سره د ګامونو اخیستو ته چمتوالی ښودلی.
نوموړي زیاته کړې، چې را روان ۲۰۲۵ کال کې به د چین ولسمشر له لوري د افغانستان په ګډون د شاوخوا ۴۰ هېوادونو پر صادراتو ګمرکي تعرفه معاف شي، چې دا د افغانستان سوداګرو لپاره ښه زېری دی.
هغه ډاډ ورکړی، چې د MCC او مرکزي آسیا د نفت او ګازو شرکتونه به د امو دریاب نفتي حوزې د تېلو استخراج بهیر لا ګړندي کېدو ته وهڅوي او مس عینک پروژې کارونه به نور هم پراخ او چټک کړي.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/