گهیځ
کابل-ګهیځ نیوز( د دلو/ سلواغه ۱۰ مه نېټه):
د ګهیځ نیوز د خبر له مخې د بهرنیو چارو وزارت ویلي، چې په کابل کې د ګاونډیو او سیمه ییزو هېوادونو د ځانګړو استازو او سفیرانو د افغانستان د سیمهییزې همکارۍ ابتکار تر نامه لاندې جوړه شوې ناسته په بریالیتوب سره پای ته رسېدلې ده.
د خبر پر بنسټ، دغه ناسته کې د هند شارژدافیر ویلي، دوی افغانستان کې د هر هغه کوښښ ملاتړ کوي چې د افغانستان د پرمختګ او ثبات لامل کیږي.
دغه راز د اندونیزیا استازي ویلي، چې اوسنی افغان حکومت دې د نړیوالې ټولنې فعاله برخه وګرځي.
په دغه ناسته کې د ترکیې هېواد سفیر ویلي، دوی له افغان حکومت سره د مثبت تعامل پالیسي لري.
دغه راز یاده غونډه کې د قزاقستان او ازبکستان هېوادونو د استازو ترڅنګ د ۱۱ نورو ګاونډیو او د سیمه ییزو هېوادونو استازو افغانستان سره پر مثبت تعامل ټینګار کړی دی.
تر دغې ناستې وروسته د بهرنیو چارو وزیر د خبري ناستې په ترڅ کې د ناستې جزیات له رسنیو سره شریک کړل.
نوموړي وویل، چې د کنفرانس ټولو ګډونوالو په یوه خوله افغانستان کې امن، ثبات او پرمختګ د ټولې سیمې په ګټه وبله او ټینګار یې وکړ، چې د ټولو هغو حرکتونو مخنیوی دې وشي، چې په سیمه کې تاوتریخوالي ته زمینه برابروي.
متقي همدا راز زیاته کړې، چې په دې کنفرانس کې د اقتصادې ودې لپاره لویو اقتصادي پروژو لکه ټاپي، ټاپ، کاسا زر، د اوسپنې پټلۍ پروژو د عملي کارونو په پیل باندې هم په ګډې همکارۍ ټینګار شوی دی.
ــــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/