گهیځ
کابل-ګهیځ نیوز(د زمری/اسد ۷ مه نېټه)
د ګهیځ نیوز د خبر له مخې د عامې روغتیا وزارت د روغتیایي خدمتونو وړاندې کولو مرستیال په کابل کې له تور زېړي ناروغۍ سره د مبارزې نړیوالې ورځې په نمانځغونډه کې ویلي، چې که څه هم اوس مهال د هېواد په ۱۴ ولایتونو کې د دې ناروغۍ د تشخیص او پېژندنې مراکز موجود دي او په اتو ولایتونو کې د درملنې خدمات تر سره کیږي، په نږدې راتلونکي کې به په لسو نورو ولایتونو کې د دې ناروغۍ د مرکزونو پرانیسته وکړي.
نوموړي زیاته کړې، که څه هم په افغانستان کې د ژېړي ناروغۍ کچه د نورو هېوادونو په پرتله ټیټه ده، خو په خبره یې چې د اټکلونو له مخې په تېره لسېزه کې له سل زرو ډېر کسان په ژېړي اخته شوي دي.
د هغه په خبره تېر کال په افغانستان کې د دې ناروغۍ د شاوخوا ۱۵ زره پېښو راپور ورکړل شوی دی، چې له دې جملې څخه ۱۲ زره د بي هیپاټیټیس ناروغان او ۱۳۰۰ د سي هیپاټیټیس ناروغان ثبت شوي دي.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/