کندهار کې د نساجی نخی ټوکر جوړونې فابریکې خپل فعالیت پیل کړ

کابل-ګهیځ نیوز( د جوزا ۵مه نېټه):

د ګهیځ نیوز د خبر له مخې د کندهار ولایت ځایی مسوولینو ویلی، چې دغلته د نساجی نخی په نوم د ټوکر جوړونې کارخونې له اوږده ځنډ وروسته په ازمایښتی ډول خپل فعالیت پیل کړ.

د کندهار د نساجۍ نخی کارخونه چې د سردار محمد داوود خان له واکمنۍ راهیسې یې ماشینونه له فعالیت لوېدلی وو، خو اوس یې تازه بېرته فعالیت پیل کړی دی.

مسوولین وایی، د تېرو شپږو میاشتو راهیسې یې د ترمیم چارې پیل کړې وې، چې تازه یې په ازمایښتی ډول د ټوکر تولید پیل کړ.

د دغه کارخونې رییس وایی، د یادې کارخونې له ۳۲۰۰ ماشینونو له جملې ۶۰۰ ماشینونه رغول شوی او په فعالیت یې پیل کړی دی.

نوموړی وایی، د ټوکر د تولید یادې کارخونې مخکې د پخوانی عصر ټوکر تولیدول، چې اوس به د دوی په هڅو د نویو ټیکنالوژی پر مټ د اوسنی عصر مروج ټوکر تولید کړی.

ــــــــــــــــــ

ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځنی، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوی.

ګهیځ نیوز، د اطلاع رسونې باوری سرچینه

زموږ خبری ادرسونه👇

Telegram:

https://t.me/+Vy9GsPl90MY3NjVl

twitter:

https://twitter.com/GaheezAgency

Web:

https://www.gaheez.af/

FB page:

https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/