کندوز کې د څښاک اوبو د لسګونه څاګانو د کیندلو چارې پیل شوې

کابل-ګهیځ نیوز(د لړم / عقرب ۲۰ مه نېټه)

د ګهیځ نیوز د خبر له مخې د کلیو، بیارغونې او پراختیا وزارت د کندوز په دوو ولسوالیو کې خلکو ته د څښاک اوبو برابرولو په موخه د لسګونه څاګانو د کیندلو او ترمیم چارو د پیل کېدو خبر ورکړی.

یاد وزارت د یوې خبرپاڼې په خپرولو سره ویلي، د کندوز د کلیو، بیارغونې او پراختیا ریاست له لوري د (اي. سي. اوو) موسسې په مالي مرسته د دغه ولایت په امام صاحب او علي آباد ولسوالیو کې د څښاک پاکو اوبو د ۱۶ نیمه ژورو څاګانو د کیندلو او د ۲۶ څاګانو د ترمیم چارې پیل شوې.

د کلیو، بیارغونې او پراختیا وزارت ډاډ ورکړی، چې د یادو څاګانو په کیندلو او ترمیم سره به د نوموړو ولسوالیو څه باندې ۵۰۰ کورنۍ د څښاک پاکو اوبو ته لاسرسی پیدا کړي.

ــــــــــــــــــ

ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.

ګهیځ نیوز، د اطلاع رسونې باوري سرچینه

زموږ خبري ادرسونه👇

Telegram:

https://t.me/+Vy9GsPl90MY3NjVl

twitter:

https://twitter.com/GaheezAgency

Web:

https://www.gaheez.af/

FB page:

https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/