گهیځ
کابل-ګهیځ نیوز(د کب / حوت ۶ نېټه)
د ګهیځ نیوز د خبر له مخې کورنیو چارو وزارت کې له نشه يي توکو سره د مبارزې مرستیال عبدالحق اخند همکار د یوه لوړپوړي پلاوي په مشرۍ ایران ته سفر وکړ.
د یاد وزارت ویاند ویلي، دا سفر د دواړو هېوادونو ترمنځ د نشه يي توکو پر وړاندې د ګډې مبارزې د پیاوړتیا لپاره ترسره شوی دی.
د سفر په لړ کې افغان پلاوی به له ایراني چارواکو سره د سرحدونو امنیت، د نشه يي موادو د قاچاق مخنیوي او د قاچاقبرانو پر ضد د ګډو عملیاتو پر میکانیزم بحث کوي.
همداراز به دواړه لوري د تجربو شریکولو، د معتادینو د درملنې، او د معلوماتو د تبادلې پر سر هم خبرې وکړي.
د کورنیو چارو وزارت په وینا دا لیدنې – کتنې به د سیمه ییزې همکارۍ د پراخوالي ترڅنګ د افغانستان او ایران ترمنځ د اعتماد فضا نوره هم پیاوړې کړي.
ـــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/